जिल्हाधिकारी कार्यालय आवारातील अल्पबचत सभागृहात तीन डिसेंबर २०१८ रोजी अपंग दिनानिमित्त सुलभ निवडणुका हा कार्यक्रम आयोजित केला होता. त्या वेळी ते बोलत होते. या वेळी उप-जिल्हा निवडणूक अधिकारी सुशांत बनसोडे, रत्नागिरी प्रांतधिकारी अमित शेडगे, रत्नागिरीचे तहसीलदार मच्छिंद्र सुकटे, आस्था फाउंडेशनच्या सुरेखा जोशी, संकेत चाळके, प्रसाद आंबोळकर, राज्य अंपग कर्मचारी संघटनेचे श्री. गोरे, श्री. त्रिपाठी आदी मान्यवरांसह वेगवेगळ्या संघटनांचे प्रतिनिधी, दिव्यांग, तसेच अधिकारी, कर्मचारी मोठ्या संख्येने उपस्थित होते.

जिल्हाधिकारी चव्हाण म्हणाले, ‘एक सप्टेंबर ते ३१ ऑक्टोबर २०१८मध्ये केलेल्या मतदार पुनरीक्षण  कार्यक्रमांतर्गत जिल्ह्यामध्ये ९२ हजार ६०४ नवीन मतदारांची नोंदणी झाली आहे. मतदानामध्ये दिव्यांग व्यक्तींना मतदार केंद्रापर्यंत पोहोचविण्यासाठी, सुलभ मतदान व्हावे यासाठी आवश्यक ती सर्व दक्षात घेण्यात येत आहे. त्यामुळे सुलभ निवडणुका या ब्रीदवाक्यानुसार सुलभ मतदान करता येणार आहे. या वेळी होणाऱ्या मतदान प्रक्रीयेमध्ये ईव्हीएम मशीनबरोबर व्हीव्हीपॅट असणार आहे.  त्यामुळे आपण कुणाला मतदान केले ते स्क्रीनवर दिसणार आहे; तसेच त्याची प्रिंटही निघणार आहे. त्यामुळे मतदान प्रक्रियेमध्ये पारदर्शकता वाढणार आहे. मतदान करणे हा प्रत्येकाचा हक्क आहे, कर्तव्य आहे आणि आपण तो हक्क बजावावा.’



आस्था फाउंडेशनच्या सुरेखा जोशी यांनी दिव्यांगांना मतदानाच्या महत्त्वाच्या प्रक्रियेमध्ये सामावून घेण्यासाठी शासनाकडून घेण्यात आलेल्या प्रयत्नाबद्दल आभार मानले. ‘दिव्यांगांना मतदान करताना कोणत्याही अडचणी येऊ नयेत, यासाठी शासनाकडून सर्व सुविधा पुरविण्यात येणार आहेत, त्यामुळे सर्वांनी मतदानाचा हक्क बजावा,’ असे आवाहन त्यांनी दिव्यांगांना केले.


प्रास्ताविक तहसीलदार सुकटे यांनी केले.

(अपंग दिनाचे औचित्य साधून रत्नागिरी जिल्हा मूकबधिर असोसिएशनची स्थापना करण्यात आली. ती बातमी वाचण्यासाठी येथे क्लिक करा.)